URKIOLAN San Antonio eguna

Bagilaren (Ekainaren) 13an ospatzen da Urkiolako Santutegi honetan Paduako Antonio santuaren eguna.

 

Askok eta askok dabe ohiturea egun horretan santutegi honetara etortekoa. Jentetza handia batzen da, erromeria ederra eratzen da eta jai-giroan emoten dabe eguna.

Abadiñoko Udalak ingurua etainguruko ekitaldiak eratzen dauz. Santutegiaren arduradunek barruko ekitaldiak eratzen dabez borondatezkoen laguntzaz.

Orain dagozan arduradunak barriak diranez (aurten ospatzen dabe estreinakoz egin handi hau arduradun lez) laguntza behar izango dabe zer egin baterako baino gehiagotarako: datorrenari harrerea egiteko, eleizea txukuntzeko, liturgian zerbitzeko...

Prest zengokez arduraren bat eskuratzeko? Esan hementxe zer eskeini zeikeon Santutegiari. Eskerrik asko.

Hona hemen egun horretan izango ditugun mezen ordutegia:

      10etan

11tan

12etan (Gotzaina buru dala)

eta ordu batetan (13etan)

 

Egun hori hara hurreratzen zareen guztion atseginerako izan daitela nahi izango geuke; emon eizu, ba, zeurerik onena: zaindu ingurua, errespetatu bestea, alaitu jai-giroa... Ondo etorri.

 

HURRENGO EGUNA, errepetizino eguna dogu, eta egun horretako meza-orduak honeexek izango dira:

      10etan

12etan

Create qr code for free

Arratiarren errogatiba Urkiolara

        Urtero lez, aurten ere badihardue arratiarrek Errogatibea prestatzen.

Eta, urtero lez ere, san Antonio egunaren (bagilaren 13an) ondorengo zapatuan egingo da aurten ere.

Hona atara daben hormagiri txukuna:

    Arratiarrena dala esateak ez dau esan gura beste inor ezin hurreratu daitekenik. Hareek dei egiten deutsee egun horretan hurreratu daitekezan guztiei, edo hurreratzeko gogoa daben guziei, eurekin bat egin daien. Ondo etorriak eta onartuak izango dira. Aurrera, ba!

 

  

J.A.Pagola omendua

Jose Antonio Pagola ez da ezer egin ez dauan abadea.  Ebanjelioa eta Jesusen  irudia behe mailara, ulermen txikikoengana, jente arruntarengana erakarri dauan Teologoa da, aspergabe lan egindakoa eta gure eskerrik beroena merezi dauana. Poztasunez beteten gaitu, ba, holango ekintzak.

ZORIONAK!, Jose Antonio; zoragarri urten daiala omenaldiak.

Lorailaren Lehena, Urkiolan

11tarako euken alkartzeko ordua, eta 10 t'erdietarako hasi zan jentea heltzen, lehenengoak laiko ezkon bikote bi izanez. Ttanttaka-ttanttaka etortzen eta alkar agurtzen, gehienak ordurako heldu ziran irribarretsu, alkar besarkatuz, barriren bat edo beste alkarri emonez... Ecuadorren eta Angolan, baina baita beste errialde batzutan ere egondako misiolariak...