Gorosti eta elorri
lore zuri hazi gorri,
udabarria badoa eta
udari ongi etorri.
Udabarri garaia
joan doanean
udan sartuten gara
bete betean.
Egunak luze eta
denpora onean
atsedena hartzeko
batean bestean,
alaitasunean
zintzotasunean
alkartasunean
euskaltasunean,
udaldia igaro
bizipozean.
(Juan Manuel Etxebarria Ayesta)
Bagilaren (Ekainaren) 13an
ospatzen da Urkiolako Santutegi honetan Paduako Antonio santuaren eguna.
Askok eta askok dabe ohiturea
egun horretan santutegi honetara etortekoa. Jentetza handia batzen da, erromeria
ederra eratzen da eta jai-giroan emoten dabe eguna.
Abadiñoko Udalak ingurua etainguruko ekitaldiak eratzen dauz. Santutegiaren arduradunek barruko
ekitaldiak eratzen dabez borondatezkoen laguntzaz.
Orain dagozan arduradunak barriak
diranez (aurten ospatzen dabe estreinakoz egin handi hau arduradun lez)
laguntza behar izango dabe zer egin baterako baino gehiagotarako: datorrenari
harrerea egiteko, eleizea txukuntzeko, liturgian zerbitzeko...
Prest zengokez arduraren bat
eskuratzeko? Esan hementxe zer eskeini zeikeon Santutegiari. Eskerrik asko.
Hona hemen egun horretan
izango ditugun mezen ordutegia:
11tan
12etan (Gotzaina buru dala)
eta ordu batetan (13etan)
Egun hori hara hurreratzen
zareen guztion atseginerako izan daitela nahi izango geuke; emon eizu, ba, zeurerik
onena: zaindu ingurua, errespetatu bestea, alaitu jai-giroa... Ondo etorri.
12etan
Urtero lez, aurten ere badihardue arratiarrek Errogatibea prestatzen.
Eta, urtero lez ere, san Antonio egunaren (bagilaren
13an) ondorengo zapatuan egingo da aurten ere.
Hona atara daben hormagiri txukuna:
Jose Antonio Pagola ez da ezer egin ez dauan abadea. Ebanjelioa eta Jesusen irudia behe mailara, ulermen txikikoengana, jente arruntarengana erakarri dauan Teologoa da, aspergabe lan egindakoa eta gure eskerrik beroena merezi dauana. Poztasunez beteten gaitu, ba, holango ekintzak.
ZORIONAK!, Jose Antonio; zoragarri urten daiala omenaldiak.